„Водич за едукатори: SWOT анализа за кариерна ориентација во невроразновидни училници“ е алатка развиена од Креативна куќа (Северна Македонија) во рамките на Еразмус+ проектот SkillCompass: Empowering Youth with Learning Differences through Inclusive Career Guidance Tools.
Овој водич е практична алатка наменета да им помогне на едукаторите да ја применат SWOT методологијата (силни страни, слабости, можности, закани) при поддршка на невроразлични ученици во процесот на кариерна ориентација. Тој се заоснова на отсуството на прилагодена поддршка за кариерно советување на оваа категорија на млади, нудејќи јасна и достапна структура за мапирање на индивидуалните способности и надворешните фактори кои влијаат на кариерниот развој на невроразличните млади.
Невроразличните ученици често се соочуваат со тешкотии во традиционалните пристапи за кариерно советување кои не ги одразуваат нивните уникатни силни страни, предизвици и начини на учење и работа. Од друга страна, едукаторите имаат потреба од методи кои поддржуваат индивидуализирано разбирање, а не унифицирани процени и пристапи.
Овој водич ја исполнува таа потреба нудејќи прилагодена SWOT рамка која им овозможува на едукаторите и останатите да го анализираат потенцијалот на ученикот холистички.
Водичот е наменет за едукатори, училишни советници, наставници во специјално образование, младински работници и професионалци кои ги поддржуваат младите во планирањето на нивната образовна и кариерна иднина.
Може да им користи и на родителите и старателтеи кои сакаат подобро да ја поддржат кариерната ориентација на невроразличните млади.
Водичот вклучува објаснување на SWOT моделот прилагодено за невроразлични контексти, чекор-по-чекор инструкции за спроведување SWOT сесии, работни листови за ученици, прашања за рефлексија и примери.
Јасната структура овозможува лесна примена во училница, на работилница или при индивидуално советување.
Водичот може да се користи индивидуално или во групи, на часови по кариерна ориентација, во советувалишта или при персонализирани сесии.
Водичот ја поттикнува инклузијата со тоа што го прави кариерното советување подостапно, поиндивидуализирано и поефективно за невроразличните ученици. Тој директно придонесува кон мисијата на проектот SKILL-C, создавајќи правични алатки за кариерно насочување што ги оспособуваат сите млади да го откријат и следат својот потенцијал.
Превземете го водичот и започнете да ја користите SWOT методологијата за да создадете поинклузивни и значајни кариерни патеки за вашите ученици. Оспособете ги невроразличните млади подобро да се разберат себеси и самоуверено да ја планираат својата иднина.
